خير من استأجرت

7 01 2012

البحث عن عمل يشغل بال كثير من الشباب خصوصا حديثي التخرج منهم

فتراهم يبحثوا على الانترنت ويسألوا أصدقائهم ويتفقدوا الجرائد بحثا عن وظيفة

(وقد سبق وأن ذكرنا في تدوينة سابقة عن نصائح للباحثين عن وظيفة – اضغط هنا – )

وعلى الجانب الآخر تجد كثير من الشركات وأصحاب العمل يبحثون بعناية عن موظفين

فتراهم يعلنون في الجرائد ومواقع الانترنت وفي معارض التوظيف

ولكن الحيرة في عن ماذا يبحث الثاني ؟ وماذا يقدم الأول؟

إن أردنا أن نلخص هذه الإشكاليه سنجدها في كلمات معدودة في القرآن الكريم

( إن خير من استأجرت القوي الأمين )

وهو ببساطة ما يبحث عنه أي صاحب عمل : أن يكون الموظف ذو علم أو خبرة ( القوي ) وأن يكون في الوقت ذاته إنسان ذو أخلاق يرعى الشركة التي يعمل بها ( الأمين )

القوي الأمينوتأتي الأمانة بعد القوة لتضمن نجاح العمل في الاستمرار وفي اتيان الثمار المطلوبة منه وجدير بالذكر أن حسن الخلق لا يعني السذاجة !!

ومما اذكر مكالمة – منذ ثلاث سنوات – بيني وبين صاحب شركة كان يريدني أن أرشح له أحد في وظيفة معينة

قال لي فيها الفنيات سهل جدا أن يتعلمها أي شخص لكن الأخلقيات لأ

وأذكر أيضا أحد أصحاب المحلات التجارية  ممن أعرفهم كان يعاني من البحث عن أفراد كي يعملوا عنده يتحلون بالأمانة والمهارة معا وكان مستعد أن يزيد كثيرا في الراتب عن متوسط السوق

ومهم أن نلاحظ في الأية الكريمة  إن القوة قبل الأمانة 

لأن  الشركة (أو صاحب العمل) إنما تبحث عن من يسير أعمالها ويسعى لدفعها للأمام بما يملك من قدرات وخبرات

وتسعى الشركة لقياس ذلك خلال المقابلات الشخصية والاختبارات الفنية

والمتقدم للعمل لن يستطيع أن يتظاهر بالقوة في مجاله إذا كان من يختبره قوي في المجال

لكنه يستطيع أن يتظاهر بدمثة الخُلق !

وتجد أيضا في الشركات الكبرى المقابلات الخاصة بتقييم الشخصية مقدمه عن المقابلات الفنية

لأن هذا الشخص  سيكون بعد ذلك جزء من الشركة فيجب اختياره بعناية

وفي النهاية احب أن اوجه ثلاث نصائح

1- يوجد مصطلح يدعى أخلاقيات العمل Work ethics أنصحك بأن تقرأ ولو قليل عنه

2- نصيحة  لكل من يريد أن يصبح ناجا في حياته العملية كن قويا في مجالك بالاضافة إلى أمانتك فالأمانة وحدها لا تكفي!

3- نصيحة لاصحاب الشركات أو المسئولين في الشركات لا تفرط في موظف قوي وأمين

( إن خير من استأجرت القوي الأمين )





استخدام موقع الغرفة الامريكية في البحث عن وظيفة

16 08 2009

How to use American Chamber site(AmCham) to find a job??

البحث عن وظيفة موضوع بيشغل كتير من الشباب – فان شاء الله في التدوية دي هنشرح طريقة البحث عن وظيفة باستخدام موقع الغرفة الامريكية

موقع الغرفة الامريكية يعتبر من أفضل المواقع في البحث عن الوظائف – عن تجربة شخصية – خصوصا انه يتميز بـ :
1- ان الوظائف الموجوده فيه متجددة فتقريبا يوميا تضاف وظائف جديدة
2- ان الشركات التي تعلن فيه على مستوى مناسب من الثقة
3- سهولة استخدام الموقع في البحث عن وظيفة

خطوات البحث عن وظيفة في موقع الغرفة الامريكية :-

ادخل على موقع الغرفة الامريكية ولو انت مش عارفه
اكتب في جوجل احدى الكلمات الاتية
الغرفة الامريكية
American chamber

أو اكتب AmCham

1

واتبع الخطوات كالتالي :-

2

3
وحدد اختيارتك الوظيفيه زي المجال والبلد وغيرهم
4





أفكار متنوعة للبحث عن وظيفة

15 12 2008

مسألة البحث عن عمل موضوع يهم كتير من الشباب خصوصا حديثي التخرج

فإن شاء الله في التدوينة دي هحاول أنقل بعض الافكار اللي عرفتها بحتكاكي في الموضوع ده قبل ما اشغل

أولا وأخيرا موضوع الرزق ده حاجة في إيد ربنا واحنا بنحاول نعمل اللي علينا

أنا هبدأ الموضوع وهخلي الكلام كأني بنصح اللي بيدور ده مباشرة

لما نيجي ندور على عمل رأيي إننا نبحث في إتجاهات كتير أوي

بحيث نحاول نوصل لأكبر قدر من الفرص على قد ما نقدر
طبعا النت وسيلة مهمة جدااااااا
بس النت في حد ذاته جواه حاجات كتير
يعني انت ممكن تشترك في مواقع التوظيف
زي مثلا
http://www.egyrec.com
http://www.jobsinegypt.com
والاحسن انك تعمل بحث في جوجل عن

Recruitment  + اسم بلدك

مثلا

Recruitment  + Egypt
هتلاقي مواقع كتير ادخل سجل فيها

وفيه مواقع تانية بتجمع الاعلانات اللي بحطها الجرايد يوم بيوم
فبرضو اشترك في المواقع دي وتابع الشركات اللي بتنزلها كل يوم وابعت كل يوم

والاشترك اللي اقصده في المواقع دي هو انك بتسجل نفسك باسم مستخدم ورقم سري للدخول بلاضافة إلى انك بتحط بياناتك الموجوده في السيرة الذاتية أو بترفعها لو الموقع فيه رفع للسير الذاتية

الحاجة المهمة التانية في النت واللي للاسف كتير جدا بيغفلوا عنها
هي انك تدخل على مواقع الشركات الكبيرة وتسجل بياناتك عليها
احنا مثلا في مجال هندسة ميكانيكاانتاج ممكن تدور على مواقع الشركات زي
General motor
Bavarian auto group
P & G
Unilever
shell

وهكذا واكتب اسم دولتك في البحث

مثلا

Egypt
وانت بتبحث في جوجل
واعمل تسجيل في الموقع الرئيسي ودور برضو لو ليها موقع خاص بمصر بس
وفيه بعض الشركات ماتلقيش مكان لرفع بياناتك بس تلاقي ايميل للوظائف وكده
فده تبعت عليه السيرة الذاتية على طول

الطريق التاني اللي ممكن تمشي فيه هو طريق المعارف
سواء أصحابك في دفعتك أو الدفعات السابقة أو اي دفعات
اي حد تعرفه اشتغل أو حتى بيدور على شغل
هتقولي طيب اشتغل وعرفناها أكيد هيدورلي في الشركة اللي شغال فيها
طيب واللي لسه مااشتغلش ده هسأله ليه
أقولك بقى
لأن ممكن حد يكون بيدور على شغل وبيلاقي فرص متعجبوش وتعجبك انت
لسبب أو أخر
يعني ممكن مجال العمل مابيحبوش وتكون انت بتحبه أو المرتب هو شايفه قليل وانت شايفه مناسب وهكذا
المهم حاول تجمع كل اللي تعرفهم وتتصل بيهم
ومش لازم اصحابك بس
لأ انت اسأل اللي تقدر تسأله من اللي تعرفه وممكن تخلي باباك وأي حد من أهلك يسأل في المعارف
وده مش لازم يعني يكون واسطة انه يشغلك
لأ ممكن يفتحلك فرص انت ماتعرفهاش
والشركات النضيفة بالذات مافيهاش الوسايط والكلام ده
المعرفه ممكن يوصلك انك تروح مقابلة
لكن نتائجا لمقابلة دي بتبقى متعلقه بيك انت
ده طبعا مايمنعش ان فيه شركات بالواسطة طبعا
للأسف

طيب وسيلة كمان إنك تنزل للشركات والمصانع بنافسك وتدور
يعني تكون طابع عدد كبير من السير الذاتية
وتلف على المصانع اللي في المناطق الصناعية الموجوده في بلدك

عندنا في مصر الأكتر موجود في اكتوبر والعاشر والعبور وهكذا
طبعا الوسيلة دي متعبة شوية
لكنها مفيده وفي ناس صابت معاهم وبتتعلم من اللف حاجت كتير

حاجة مهمة أوي لازم تحطها في دماغك
إن فترات الكساد دي قصدي بالكساد انك ماتلاقيش شغل مناسب لفتره
دي حاجة طبيعية جدا
وتقريبا كل اللي اشتغلوا مروا بالتجربة دي

وسبحان الله الانسان بيقرب من ربنا أوي في فترات الشدة
فاغتنم الفترة دي أوي بإنك تقرب من ربنا أكتر وأكتر

وديما استعين بالله وادعي كتير أوي لأنه هو اللي بيده أرزاق كل الخلق
واختم كلامي بحاجتين
الحاجة الاولى لو جتلك فرصة ماتفوتهاش وروح فيه لمده مؤقته لحد ما تلاقي حاجة أحسن
وزي ما بيقولوا الشغل بيجيب شغل
إلا لو انت فعلا بدور على مجال بعين ومصمم إنك تصبر

الحاجة التانية وده دعاء كان واحد صحبي وصاني بيه لما كنت في الفترة اللي قبل ما الافي شغل مناسب
هو كان بيدعيه كتير قبل ما يشتغل
وانا اتعلمته منه

اللهم ارزقني رزقنا حلال طيبا مباركا فيه”

ادعي كتير في صلاواتك وبعدها
ووصي اللي بيحبوك انهم يدعولك
أنا لما كنت بدعي نفس الدعاء ده بس زودت حتة الرضا
فكنت بقول
اللهم ارزقني رزقا حلالا طيبا مباركا فيه وارضني به

 

هاه ياترى حد عنده افكار ممكن يضيفها؟؟