رحلتي إلى الأقصر – ج1

18 12 2008

الأقصر وأسوان من الأماكن اللي كان نفسي أزورهم من زماااااااااااااان و لكن ما كنتش عارف اروحهم لأني في الكلية كنت مطحون أجازة ودراسة – ولكن الفرصة جاتلي الحمد لله بأن أول أجازة عيد أضحى ليا بعد الكلية –

وبصراحة كان لينا أهداف كتير من الزيارة دي – أولا اني هزور خالتي اللي ساكنه في قنا وهي كان نفسها جدا إني اروحلها زيارة واقضي معاها يومين ثانيا اني بسمع عن الاقصر واسوان دول في الكتب بس وعمري ما شفتهم إلا في الصور او التلفزيون – وفي الفترة الاخيرة لما  بتكلم مع الاجانب في الشات ألقي منهم ناس جاية من أخر الدنيا علشان يشوفوا الحاجات دي وأنا اللي بيني وبينها كام محافظة عمري ما فكرت اني اروح – كنت واخد برضو في اعتباري نية أخد العبرة من أمة كانت موجوده وزالت ! ولم يبقى منهم الا آثار- وكنت عايز اشوف بعيني الحاجات الفرعونية اللي بقالها آلآااااااااف السنين ولسة موجوده !! – وكنت عايز أغير جو وأشخاص وأماكن ففي السقر سبع فوائد زي ما بيقولوا—— هكمل إن شاء الله الجزء التاني بس ياريت تدوروا ايه هم السبع فوائد بتوع السفر ؟؟