جريدة هدية !!

4 10 2011

عندما أعود إلى البيت حاملا الجريدة اليومية التي احب ان اتابعها يوما بعد يوم
أجد زوجتي الحبيبة تشتكي من كثرة تراكم الجرائد القديمة عندنافنحن – مثل بيوت مصرية كثيرة – نستخدم الجرائد القديمة كفراش للطعام !! أو لتنظيف الزجاج أو غيرها من الاستخدامات المشابهه
في البداية نصحت زوجتي أن تهدي الجرائد القديمة لأمي و لأمها للأستخدام في الاغراض السابقة 🙂
ولكن بعد حين جائتني فكرة أن أهدي هذه الجريدة لغيري كي يقرأها وينتفع بها
خصوصا إني عادةً لأ أقرأ الجريدة في المنزل
فجعلتها لي عادة أن أهدي الجريدة كل يوم لسائق السيارة التي اركبها عند عودتي للمنزل
أو أهدها لأحد الزملاء الذين لا يقرأون الجرائد عادةً

أو لأي أحد اتوسم أنه قد يقرأها حتى لو أني لا اعرفه!
وبذلك أظن إني ساهمت ولو بجزء يسير في نشر قيمة ” القراءة”
حتى ولو من اهديتها لم يقرأ منها إلا العناوين





أفكار خيرية جميله

8 09 2011

شفت النهارده برنامج تلفزيوني على قناة cbc وذكره فيه أفكار خيريه جميله:-
– كل ما تشتري أي هدوم جديده اتبرع ولو بحاجة واحده للفقراء والمحتاجين
وتفعيل الموضوع ده ممكن يكون موسمي زي مثلا كل سنة لما نشتري هدوم العيد نبص في الدولاب ونطلع حاجة مالبسنهاش من العيد اللي فات
أو لما يجتي الشتا ونيجي نطلع هدوم الصيف نبص في الهدوم الشتوية ايه الحاجة اللي ما لبسنهاش ونتصدق بيها
– في مثل واقعي متميز تم ذكره
واحد كان لما بينزل يشتري هدوم لأولاده بياخد معاه أولاد البواب أو الشغالين ويجيبلهم زي ما بيجيب لأولاده بالظبط
– التبرع للصومال عن طريق بعت رسالة لرقم 9596 وده بيخصم من رصيدك 5 جنيهات
هتلاقي رسالة توصلك بعد شوية ” شكرا تبرعك اطعم 1 لمدة يومين اتحاد الاطباء العرب”