مايعديش بالساهل كده !!

يقول الرسول صلى الله عليه وسلم

(ما من أيام العمل الصالح فيها أحب إلى الله من هذه

الأيام يعني أيام العشر قالوا يا رسول الله ولا الجهاد في

سبيل الله قال ولا الجهاد في سبيل الله إلا رجل خرج

بنفسه وماله فلم يرجع من ذلك بشيء).

عارف يعني إيه؟؟

يعني العشرة أيام دي أغلى عشر أيام في الدنيا

تخيل

يعني لما اليوم يعدي عليك منهم

مايعديش بالساهل كده

لازم تفكر كويس انت اغتنمته واستفدت منه ولا لأ

قرأت قرآن؟؟

ذكرت ربنا؟

سبحان الله

الحمد لله

الله أكبر

لا حول ولا قوة إلا بالله

صليت كام فرض في وقته؟؟

صليت كام فرض في المسجد؟

صمت اليوم ده ولا لأ؟؟

طيب تصدقت ولو حتى بربع جنية؟؟

طيب حاولت تفكر في طاعة جديدة تعمله؟؟

يعني مثلا فكرت تحفظ حديث ماكنتش حفظة قبل كده؟؟

أو تقرأ كتاب ديني عمرك ما قرأته قبل كده؟؟
أو تسمع سورة أو اية  بخشوع وتدبر؟؟

بجد أوعى تخلي اليوم يعدي عليك كده

الأيام دي غالية جدا

ولو ماطعناش ربنا فيها كويس يبقى احنا الخسرانين

يلا بقى نشد حيلنا